Зоран Иванов
Колку актуелниот премиер и да прикажува рамнодушност во неговото владеење и јавните настапи, веројатно е доволно паметен за да просуди дека работата не му се движи на арно.
Политичкиот доктор Таравари му ги замрси сметките.
Му го стори тоа некако ненајавено. Дури шокантно.
Па, сепак, гледано од страната на потегот на Таравари, гледано политички, неговиот чин да апстинира од власта, баш и не е само благ шок за Мицкоски како што тој тоа се
обидува да го прикаже.
Со неговото гатање „имаме мнозинство“, тој, Мицкоски, само покажува дека е во некаков не баш пријатен немир и сосема му е јасно дека сега во коалицијата ги има само трошките од тој лански мајски изборен ресурс од албанскиот гласачки анти ДУИ потенцијал. Од тој комотен квантум пд електорат.
Од гласачите Албанци кои преку ВЛЕН му ја дадоа таа изборна анти ДУИ “албанска“ поддршка и му го легитимираа владиниот коалициски капацитет.
Власта актуелна, оваа сега на чело со ДПМНЕ, со оваа авантура или со оваа политички мудра и пресметлива игра на докторот Таравари, како и да се заврти, се најде во небрано.
Не само што загуби, да речеме, пет пратеници што во контекстот „парламентарен“ тоа е помалиот минус, туку, колку и да сака тоа да го прикрие, ДПМНЕ и Мицкоски, полека но сигурно, го губат ланскиот мајски, дозволете за терминот, албанскт гласачки електорат.
Арогантноста спрема, еве, нека е и корумпираната ДУИ, сега, со потегот на АА на Таравари, ДПМНЕ и Мицкоски ги ставаат во една, навидум латентна и засега безопасна но сепак, гледано политички, малку или малку повеќе, ризична ситуација.
Најголемиот предизвик на таа дилема веројатно ќе му биде одлуката за локалните во смисла само локални или локални заедно со парламентарни.
А тоа, барем засега, е она угоре високо, удолу длабоко па, на крајот, секогаш излегува дека политичката препотентност и партиската ароганцијата неминовно си имаат своја кулминација.
Си имаат свој зенит кој доколку
на време не го процените, ако ве опие власта и ако на време бар чекор, два, не отстапите, провалијата не ви гине.
Политичката, секако, па, затоа сега …
Сега нека си види.