Израелските воздушни напади нанесоа критична штета на клучниот ирански нуклеарен објект за време на нападите викендов, според информациите од надзорното тело за атомска енергија на Обединетите нации, веројатно уназадувајќи го со месеци циклусот за ураниумско гориво во Исламската Република, соопшти МААЕ, пренесува Блумберг.
Меѓународната агенција за атомска енергија (МААЕ) објави дека повеќекратните израелски напади врз иранскиот објект за конверзија на ураниум во Исфахан, 400 километри јужно од Техеран, резултирале со сериозна штета.
Успешното уништување на Исфахан би било значајно бидејќи тоа е единствената локација за претворање на ураниумот во суровина што ја користат центрифугите, кои пак ги одделуваат изотопите на ураниум потребни за нуклеарна енергија или бомби.
МААЕ доцна во петокот објави дека Израел досега не успеал да го оштети иранскиот комплекс за збогатување Фордоу, кој е закопан околу 500 метри во планина. Слично на тоа, напорите за уништување на примарниот ирански објект за збогатување во Натанц се ограничени на површински структури, без откриени пробиви во силно утврдените подземни сали за збогатување.