И Сребреница и Батајница се последица на исти мисли за “супериорност на српската нација над останатите нации на Балканот“ кои ни се емитувани во 90-те од страна на Слободан Милошевиќ, Воислав Шешељ, Александар Вучиќ и многу други. А и денес се демонски разбудени во Белград.
Чедомир Стојковиќ
Да убиеш 9.000 заробени луѓе не е едноставно. Оној кој мисли тоа да го направи мора да има организатори, извршители, контролори, курири. Да закопаш 9.000 луѓе со мотив нивните тела да не се пронајдат не е едноставно. Потребно е да имаш возачи, камиони, машини за ископување и оператори за нив.
Да сокриеш дека тоа се случило е уште потешко. Потребно е да имаш луѓе кои ќе ги контролираат извршителите и соучесниците, кои организирано ќе им претат. А исто така потребно е и луѓе кои ќе ги контролираат тие луѓе.
Не доволно луѓе одговараа за геноцидот во Сребреница.
Земање на лешевите од семејствата, превоз во непознат правец, криење во масовни гробници да семејствата не ги најдат не се случи само во Босна и Херцеговина. Се случи и во Србија.
И Сребреница и Батајница се последица на исти мисли за “супериорност на српската нација над останатите нации на Балканот“ кои ни се емитувани во 90-те од страна на Слободан Милошевиќ, Воислав Шешељ, Александар Вучиќ и многу други. А и денес се демонски разбудени во Белград.
Ние и денеска гледаме иста таква реторика во медиумите во Белград кои ги контроилира Александар Вучиќ.
Злото не се менува. Злото или се победува или се трпи.
Немајте сомнеж. Се знаеше во Белград што се случило на денешен ден пред 28 години во Сребреница. Се знаеја имињата на тие крвопијци. Се знаеше и кој даде наредба, кој извршуваше и кој закопуваше. Сето тоа се повтори после 4 години во Батајници.
Иако се знаеше, Ратко Младиќ е уапсен дури во 2011, после предолги 16 години. Се криеше во Србија. А тоа немаше да се случи ако Западот не ја притиснеше Србија тоа да го направи.
Кој го криеше злото во Белград?! Па оние кои и денеска се на власт во Белград!
Неколку митинзи за поддршка на Ратко Младиќ организираше и Александар Вучиќ. Улицата Зоран Џинџиќ ја преименуваше во „улица Ратко Младиќ“. За да го измами Западот, кога ја основа Српската напредна партија, Александар Вучиќ привремено ја смири својата поддршка кон убијците и креаторите на геноцидот, но веднаш по доаѓањето на власт го задолжи Никола Селаковиќ постојано да му биде на услуга на Ратко Младиќ.
Создаде влада која му се восхитува на тој геноцид. Никола Селаковиќ, Александар Вулин, Александар Мартиновиќ — се само дел од министрите кои му аплаудираат на Ратко Младиќ. Злото не се менува. Тоа или се победува, или се трпи.
И ние имаме историска одговорност да го победиме тоа зло што е во нас. Што е во нашиот народ. Ние, како најброен народ од Југославија, ја имаме најголемата одговорност. И сè додека не го победиме злото во себе, немаме никакво право да бараме другите да го направат тоа.
11 јули треба да стане ден на жалост и срам. Во спротивно, ќе се повтори.
Од Фејсбук ѕидот на авторот