Атина: По 20 евра на Миконос и Санторини и пет евра на останатите грчки пристаништа, од денеска ќе плаќаат туристите, кои со крузери ќе пристигнуваат во Грција.
Денеска стапува во сила новата такса за крузерите изгласана минатата година, а со која се предвидува дека секој патник, кој е на крстарење и ќе стигне на некое од грчките пристаништа ќе треба да плати специјална такса.
За периодот од 1 јуни до 30 септември, таксата е највисока на островите Миконос и Санторини, односно 20 евра по патник, а на останатите пристаништа во земјата пет евра.
Таксата е пониска за октомври и од почетокот на април до крајот на мај и изнесува 12, односно три евра, додека пак од ноември до крајот на мај предвидени се четири евра за Миконос и Санторини и по едно евро за останатите грчки пристаништа.
Процените се дека оваа такса годишно на Грција ќе ѝ донесе околу 50 милиони евра, приходи што ќе биде распределен за општините, како и во буџетите на Министерствата за поморство и за туризам со цел подобрување на туристичката инфраструктура.