Турција остро го осуди планот на Израел да ја преземе контролата врз Газа и ја повика меѓународната заедница, вклучително и Советот за безбедност на ОН, да интервенира и да го спречи неговото спроведување.
Министерството за надворешни работи на Турција побара итно прекинување на воените планови на Израел, прекин на огнот во Газа и почеток на преговори за решение со две држави, објави Ројтерс.
Турција го нарече израелскиот потег „геноцид“ и окупација на палестинските територии, нагласувајќи дека ваквите чекори претставуваат сериозен удар врз глобалната безбедност.
Безбедносниот кабинет на Израел го одобри планот на премиерот Бенјамин Нетанјаху за Израелските одбранбени сили (ИДФ) да ја преземат контролата врз градот Газа, објави Канцеларијата на премиерот рано утрово.