Close Menu

Тензии пред ДИФ во Нови Сад, деканот упаднал со придружба во раните утрински часови

0
By on ВЕСТИ
Фото: Скриншот X, Radio 021
Фото: Скриншот X, Radio 021

Студентите во блокадата на Факултетот за спорт и физичко образование во Нови Сад објавија дека деканот на тој факултет, Патрик Дрид, влегол во факултетот со непознати лица околу пет часот.

Студентите, кои повикаа на итно собирање пред зградата на факултетот, изјавија дека деканот влегол во зградата со маскирано лице. 

„Според неофицијалните информации што штотуку пристигнуваат, три маскирани лица (а можеби и повеќе), со фантомки на лицата, скршиле неколку прозорци од зградата на ДИФ во Нови Сад, во присуство на деканот Патрик Дрид. Потоа влегле во факултетот, додека студентите биле заклучени внатре. Некои од нив спиеле во тој момент. После тоа, дошла полицијата. Две од маскираните лица избегале, едното го фатил полицаец, кој го запрел, а потоа го пуштил. Сведок на овој настан бил ветеран од 63-та падобранска бригада“, објавија студентите на X профилот FTN wakes up.

Порталот „Разглас њуз“ објави дека деканот Патрик Дрид и луѓето со кои тој упаднаа во факултетот ги симнуваат постерите, додека студенти и граѓани се собираат, а кордон го брани пристапот до зградата.

Пред влезот на зградата на факултетот дошло и до тепачка меѓу граѓаните и полицијата која ги туркала со штитови. Тројца студенти успеале да влезат во зградата преку прозорите, пренесува Н1.

Студентка која била внатре во зградата на факултетот преку прозорец на насобраните граѓани им соопштила дека деканот на факултетот нема да зборува со нив се додека го држат под блокада.

Српските портали пренесуваат дека пред зградата на факултетот пристигнува полициско засилување и дека има нови туркања помеѓу граѓаните и полицијата.

 

Share.