На 19. октомври, со почеток во 7 часот наутро, ЦИВИЛ ќе го отвори прес центарот со закажани четири термини за прес конференции во живо и интензивна комуникација со јавноста, медиумите и сите засегнати граѓанки и граѓани.
Прес конференциите ќе се емитуваат во живо на Фејсбук страната и на Јутуб каналот на ЦИВИЛ, а редовни извештаи ќе се објавуваат и на веб страниците ЦИВИЛ Медиа на македонски јазик и Дрејт на албански јазик, додека меѓународната јавност ќе биде информирана преку веб страницата CIVIL Today на англиски. Видео обраќањата ќе бидат на македонски јазик и на и на албански јазик.
Прес конференциите ќе се одржат во 11:00, 14:00 и 17:00 часот и во 19:00 веднаш по затворањето на избирачките места.
Извештај и првична оценка на изборниот ден ќе се емиотуват во 21:00 часот.
Во меѓувреме, на медиумската платформа на ЦИВИЛ, континуирано цело ќе се објавуваат извештаи на македонски, на албански и на англиски јазик.
Во текот на целиот ден ќе се објавуваат и извештаи од теренот како и едукативни и други видео содржини што произлегуваат од „Демократски навигатор“, проект кој претставува стратешки одговор на дезинформациите и хибридните закани со фокус на изборниот процес 2025.
ЦИВИЛ ќе биде отворен за сите информации што доаѓаат и од други засегнати страни – невладини организации, мониторинг мисии, граѓанки и граѓани.
Освен извештаите од теренот што ќе ги доставуваат набљудувачите на ЦИВИЛ, тимот на организацијата ќе биде отворен за информации и од надворешни извори, откако информациите ќе бидат подложени на стандардна проверка и верификација.
Сите медиуми се добредојдени да ги преземаат содржините на ЦИВИЛ со молба да се наведе изворот ЦИВИЛ.
За специјални изјави и интервјуа во периодите меѓу редовните и вонредните извештаи за јавноста, ЦИВИЛ ќе отвори и Зум линк за видео комуникација со медиумите од 14 до 21 часот.