Зоран Иванов
Немав некој посебен предизвик да кажам збор, два за охридската фото случка со Бранко и тамошниот Пецак ама понкогаш пука филм од реакции на меѓу партиски сончогледи, полтрони, лиценмери, клиенти, калкуланти …
За Бранко како карактер, како човек и човечност, за тоа во наврат, два, имав можност одблиску да бидам сведок.
За неговите политички вештини, успеси, неуспеси, судат изборите, хроничарите, а ќе просуди и партиската и политичката историјата.
За него останува фактот дека, за разлика од сите, без исклучок, од сите
други македонски премиери по него, единствено зад неговата политичка кариера, не се влечат криминални опашки.
Не се влечат ниту банки македонски ниту окти грчки нити штрафови тенковски ниту плацеви водњански ниту волтаици сончеви ниту централи водени, ниту …, ниту ходро мали ниту хидро големи ниту бутур.
Ништо од тоа што ги краси сите други негови премиерски па и претседателски наследници.
Кај вториве титулари, за него нити американски шевролети ниту овдешни станови.
Ниту, колку што знам, некаков бизнис градежен, на пример, почна ниту, земји од поранешни комбинати поседува, ниту во багажник кидна.
Толку знам, а ако знаете за друго, ако имате нешто плус од политичките медиумски кампањи, ете ви го ЈО.
И сега и на ова реагирајте, негирајте аме пробајте без злоба и со факти кои веќе сте ги доставиле до надлежните институции. Се’ друго и се’ поинаку ќе се само уличарски политикантски етикети.
Со човекот бевме работно и на на Вие, не сме се виделе од времето на кусите соработки, и ете, тоа е тој репер што ми дозволува овде да кажам дека ви е перфидна “9-ката” за која наводно за локалниве 2025 се закачил Бранко.
Не, џабе ви е таквата кампања зашто, колку што го знам, еве, само површно па сепак, колку што можам да проценам, Тој нема да ислезе од своите изворни СДСМ-овски чевли.
Патем, секоја негативна реакција на текстов, гледајте
да не излезе од некакви ваши минати партиски или, сеедно, политички ситуации, од некои лични кариерни фрустрации.
Го нагласувам ова ослободен од фактот што ниту сум бил ниту ќе бидам во политички партии и, оттаму, и ми припаѓа слободата за овие редови.
И посебно, ова не е место за коментари за себичните кариеристи кои очекувале, се надевале, се гребеле за лични бенефити од блиските ситуации со личноста што е тема на текстов.
А СДСМ, СДСМ со Бранко или СДСМ без Бранко, претпоставувам, се надевам, сакам да верувам, ќе си го продолжи својот европски пат, својата исконска про ЕУ битка, битка за ЕУ вредности и битка за нужните за ЕУ интеграции.
Жално но засега на повидок нема друга политичка сила која е безрезервно, која е без популистички, без себични, без пресметливи лични калкулации настојчива за тој и за таквиот ЕУ пат.
А друг пат, пат за Македонија од овде, од Балканов, нема.
Ако има, бнујрум.