Обединетите нации го одбележуваат Меѓународниот ден на солидарност со палестинскиот народ, што се совпаѓа со годишнината од усвојувањето на Резолуцијата 181 за поделба од страна на Генералното собрание во 1947 година.
Во 1977 година, Генералното собрание повика на годишно одбележување на 29 ноември како Меѓународен ден на солидарност со палестинскиот народ (резолуција 32/40 Б). На тој ден во 1947 година, Собранието ја усвои резолуцијата за поделба на Палестина (резолуција 181 (II)).
Во резолуцијата 60/37 од 1 декември 2005 година, Генералното собрание побара од Комитетот за остварување на неотуѓивите права на палестинскиот народ и Одделот за палестински права – како дел од одбележувањето на Меѓународниот ден на солидарност со палестинскиот народ на 29 ноември – да продолжат да организираат годишна изложба за палестинските права или да одржат културен настан во соработка со Постојаната набљудувачка мисија на Палестина при Обединетите нации.
Резолуцијата за ова одбележување, исто така, ги охрабрува земјите-членки да продолжат да даваат најширока поддршка и публицитет на одбележувањето.
„Го повторувам мојот повик за прекин на незаконската окупација на палестинската територија […] и за неповратен напредок кон решение за две држави, во согласност со меѓународното право и релевантните резолуции на ОН“ , порача генералниот секретар на Обединетите нации, Антонио Гутереш.
да се вратат во домовите и имотите од кои биле раселени.
На 29 ноември 2012 година, Палестина се приклучи на Обединетите нации како држава набљудувач која не е членка, а на 30 септември 2015 година, палестинското знаме беше подигнато во седиштето и канцелариите на ОН низ целиот свет.