Париз: Музејот Лувр во Париз не се отвори за посетители утрово, бидејќи вработените гласаа за штрајк кратко пред отворањето, два месеци по спектакуларниот грабеж што ги разоткри недостатоците на познатиот музеј, објави француската онлајн телевизија BFMTV.
Најмалку 400 вработени утрово гласале за штрајк, соопштиле синдикатите CFDT и CGT.
Синдикатите ги критикуваат „влошените услови за работа и недоволните ресурси“, околу два месеци по провалата на 19 октомври и откривањето на недостатоци во музејот.
Украдениот накит вреди околу 88 милиони евра. Четири лица беа уапсени во врска со истрагата, но украдените експонати не беа пронајдени.
Во хаосот од провалата, која се случи во текот на работниот ден, Лувр мораше да ја затвори и својата галерија во ноември поради дотраената состојба на зградата и претрпеното истекување на вода пред две недели што оштети неколку стотици книги во Библиотеката за египетски антиквитети.
Вработените бараат директни преговори со француското Министерство за култура.