Компанијата Фајр Поинт дури и не постоеше пред руската инвазија. Денес, овој стартап произведува 200 дронови дневно. Нивните дронови FP1 и FP2, со големина на мал авион, извршија 60% од украинските напади со долг дострел. Секој дрон чини околу 50.000 долари – три пати поевтино од рускиот дрон Шахед, од кој Русија сè уште произведува речиси 3.000 месечно.
Новинарска екипа на Би-Би-Си била однесена со врзани очи на тајна локација каде што Украина го произведува едно од своите најнови оружја. Им било кажано да ги исклучат телефоните, што покажува дека се работи за многу голема тајност околу производството на крстосувачката ракета „Фламинго“ во Украина. За Украина, распрснувањето и криењето на производството на такво оружје е клучно за опстанок, особено затоа што две фабрики на компанијата „Фајр Поинт“, која ги произведува, веќе се погодени, пишува Би-Би-Си.
Внатре во објектите што ги посетиле, им било кажано да не снимаат никакви препознатливи карактеристики како што се столбови, прозорци или тавани, ниту лицата на работниците на производствената линија. Дури и под постојани напади, Украина ја зајакнува својата индустрија за оружје. Претседателот Володимир Зеленски тврди дека земјата сега произведува повеќе од 50% од оружјето што го користи на фронтот, а речиси целиот инвентар на оружје со долг дострел е домашно произведен.
На почетокот на војната, Украина се потпираше главно на старите арсенали од советската ера. Воената поддршка од Западот помогна во модернизацијата на вооружените сили, но сега Кијив го предводи голем дел од светот во развојот на беспилотни системи, како што се роботи и беспилотни летала.
Украински одговор – ракета Фламинго
Ирина Терех, главен технички директор на Фајр Поинт – еден од најголемите производители на дронови и ракети во Украина – стои пред џиновска ракета Фламинго. 33-годишната жена некогаш студирала архитектура, а сега помага во уништувањето на руската воена машина. Таа објаснува како ракетата е обоена црно, за разлика од претходните розови прототипови, „затоа што јаде руска нафта“.
Конечниот производ потсетува на германската ракета V1 од Втората светска војна и се состои од голем млазен мотор поставен на цевка долга колку лондонски автобус. Ракетите веќе се користени во борба, иако компанијата не сакаше да потврди конкретни цели.
Удар за руската економија
Фламинго е вид оружје за длабински удар што западните земји не сакаат да го испорачаат на Украина. Според извештаите, има дострел од 3.000 километри, што е слично на американскиот Томахавк – пософистицирано и поскапо оружје што американскиот претседател Доналд Трамп одби да ѝ го даде на Украина.
Длабоките удари се сметаат за клучен дел од војната, а Украина главно користи дронови со долг дострел. Иако губи територија од Русија на фронт долг повеќе од илјада километри, Украина сè повеќе се обидува да ја таргетира руската воена економија со цел да го забави напредувањето на непријателот.
Началникот на вооружените сили на Украина, генерал Олександр Сирски, вели дека нападите на Украина со долг дострел веќе ја чинеле руската економија повеќе од 21,5 милијарди долари оваа година.
Руслан, офицер во украинските специјални оперативни сили, вели дека стратегијата е едноставна: Намалете ги воените капацитети на непријателот и нивниот економски потенцијал.
Тој тврди дека неговите сили извршиле стотици напади врз рафинерии за нафта, фабрики за оружје и складишта за муниција длабоко во непријателската територија.
Борба со мозок и тактика
Секако, Русија го прави истото, и во поголем обем. Во просек, лансираше околу 200 беспилотни летала „Шахед“ дневно, додека одговорот на Украина беше приближно половина од тоа. Русија, исто така, не ги ограничува своите напади на воени цели, а нејзините ракетни и беспилотни летала предизвикаа масовни прекини на електричната енергија низ целата земја.
Би сакал да лансирам толку беспилотни летала колку што лансира Русија, вели Руслан. Но, се шириме многу брзо.
Главната техничка директорка на Фајр Поинт, Терех вели дека Украина можеби не е во можност да се спореди со руските ресурси, но, додава дека, „се обидуваме да се бориме со мозок и тактики.“
Денис Штилерман, главен дизајнер и коосновач на компанијата, признава дека не постои такво нешто како „Вундервафе“ – чудотворно оружје. Менувачот на играта е нашата волја за победа, истакнува тој.
Независност од Западот
Компанијата Фајр Поинт дури и не постоеше пред руската инвазија. Денес, овој стартап произведува 200 дронови дневно. Нивните дронови FP1 и FP2, со големина на мал авион, извршија 60% од украинските напади со долг дострел. Секој дрон чини околу 50.000 долари – три пати поевтино од рускиот дрон Шахед, од кој Русија сè уште произведува речиси 3.000 месечно.
На Украина сè уште ѝ е потребна странска помош, но се обидува да стане што е можно посамоодржлива. Терек вели дека донеле свесна одлука да набават што е можно повеќе компоненти во Украина, избегнувајќи делови од Кина и САД.
На прашањето зошто нема американски компоненти, таа одговара: Имаме чуден однос со САД. Утре некој можеби ќе сака да го затвори, а ние нема да можеме да го користиме сопственото оружје“.
Поради промената во политиката под претседателот Трамп, САД повеќе не се најголемиот воен поддржувач на Украина, а Европа се бори да ја пополни таа празнина.
Загриженоста за идната поддршка од САД влијае и на разговорите за безбедносните гаранции, клучно прашање во мировните преговори. Терек ги отфрла тековните преговори како „преговори за капитулација“ и вели дека производството на сопствено оружје е „единствениот начин навистина да се обезбедат безбедносни гаранции.
Поранешната студентка по архитектура се надева дека остатокот од Европа ќе гледа и ќе учи.
Ние сме крвав пример, вели таа, „во однос на подготвеноста за војна. Таа верува дека ако која било друга земја се соочи со ист напад како Украина, тогаш таа веќе ќе беше освоена.