Израел објави дека започнал широк бран напади врз клучната инфраструктура на режимот во Техеран.
Дописниците на CNN известуваат за воздушните напади врз Техеран.
Иранските медиуми објавија дека низ целиот Техеран се слушнале гласни експлозии и дека целта на нападот била главната шопинг-улица во главниот град.
Снимките што кружат на социјалните мрежи покажуваат експлозии, густ црн чад и луѓе што бегаат.
Претходно, израелските одбранбени сили (ИДФ) ја срамнија со земја претседателската палата во Техеран, каде што убиениот врховен лидер на Иран, ајатолахот Али Хамнеи, се состанал со своите претставници.
Израелските одбранбени сили (ИДФ) исто така објавија детален „план за одмазда“ во кој се објаснува како всушност бил убиен еден од најчуваните лидери во светот.
Портпаролот на Централниот штаб на иранската армија, полковник Ибрахим Золфгари, денес изјави дека одговорот на американско-израелскиот напад врз таа земја ќе биде проширен и интензивиран, и дека иранската армија продолжува да ги пресретнува израелските и американските авиони и беспилотни летала низ целата земја.
Тој рече дека Израел се обидел да ги скрие своите воени ресурси меѓу цивилните области, но дека иранските сили продолжуваат да ги лоцираат и напаѓаат, објави Press TV.
Кукавичките воени сили и објекти на ционистичкиот режим се скриле во цивилните и јавните слоеви. Но, откривањето и нападите врз агресорите ќе продолжат, а во наредните денови трендот на напади ќе стане поинтензивен и поширок, рече тој.
Според неговите зборови, рано утрово иранската армија следела и уништила еден борбен авион Ф-15Е и четири напредни извидничко-борбени беспилотни летала – Хермес 900 и МК-9 – на небото над западните, југозападните и јужните делови на земјата.