Андреј Жерновски: Да се поистоветуваат Советот на Европа и Европската Унија е врвен дилетантизам. Тоа е исто како некој да ги меша Обединетите нации со НАТО-толку е голема разликата. Станува збор за две сосема различни организации, со различни механизми, процедури и цели.
Постмониторинг дијалогот на Советот на Европа е еден процес, а извештаите на Европскиот парламент и Европската комисија за напредокот кон ЕУ се сосема друг процес. Тие немаат никаква институционална или процедурна допирна точка.
Советот на Европа е организација која се занимава со демократија, човекови права и владеење на правото во поширока европска рамка. Во неа членуваат речиси сите европски држави, далеку повеќе од членките на ЕУ.
Европската Унија, пак, е политичка и економска унија со сопствени институции, законодавство и со многу сложен процес на пристапување.
Затоа е навистина загрижувачко кога владејачка партија, која ја води државата и ја претставува во меѓународната политика, демонстрира вакво ниво на дипломатска неписменост.
Но можеби не треба да бидеме толку строги. Можеби ова е само новата методологија на Владата за европска интеграција: ако веќе не знаеме како се влегува во Европската Унија, барем да почнеме со тоа да ги мешаме европските институции.
Со малку среќа, следниот дипломатски „успех“ ќе биде објаснувањето дека членството во Советот на Европа е исто што и членството во ЕУ.
По нивната логика, Македонија веројатно веќе одамна е и во еврозоната.
Извор: Фејсбук