На средбата со хрватскиот претседател Миланиовиќ, Сиљановска Давкова зборуваше за македонската позиција спрема ЕУ и при тоа повтори дека она што го бара Република Северна Македонија е многу едноставно. Бара исти стандарди какви што се барале од вас, или какви што се бараат и од другите членки, а тоа се Копенхашките критериуми.
Меѓутоа, ние добиваме барања коишто се однесуваат на историјата, на културата, на јазикот, или на идентитетот. А во преамбулата на Договорот за ЕУ јасно пишува дека ЕУ ја признава, бидејќи е единство во различностите, и ги почитува историјата, културата и јазикот на другите народи, па дури и уставните и политичките структури, а особено дигнитетот и интегритетот на граѓаните“, рече Сиљановска-Давкова.
На дневниот ред на Сиљановска-Давкова во Хрватска, освен средба со Милановиќ, е и пленарен состанок на македонската и хрватската делегација.
Според најавата од Кабинетот на претседателката на Република Северна Македонија, Гордана Сиљановска, Давкова треба да оствари средба и со претседателот на владата, Андреј Пленковиќ. Предвидено е претседателката да положи венец на Споменикот на татковината, а во градскиот парк „Бундек“ – венец на спомен-бистата на Блаже Конески. Исто така, да ќе присуствува на отворањето на изложбата „Архивски документи“ на македонската уметница Жанета Вангели, како и да ја посети македонската православна црква „Свети Злата Мегленска“ во Загреб.