Бошко Нацевски: Системот што се предлага за гласање на дијаспората на изборите, е идеална шанса за штелување и фалсификување на резултатите. Некоја друга форма на веќе видените манипулации и шпекулации, кога на денот на изборите, се блокираа лифтовите, за 100 евра се купуваа гласовите на нашите од Пустец и на Ромите.
Ние сме далеку од вистинските цели на изборите, какви што се креираат во земјите на демократиите. Кај нас и тој исклучително значаен процес, место како исчекор за посовршен квалитет во функционирањето на државниот апарат, за подобрување на условите за живеење на граѓаните, ние се натпреваруваме во демонстрирање на вештините на преварантства и фалсификати. Човекот се третира како проста бројка во изборната математика и пазарен артикл со срамно ниска цена.
Затоа господо, не ги уфрлувајте во таа валкана игра на манипулациите, и иселениците од преку океаните. Во време на владеењето на онаа непогода Љубчо Георгиевски, се испраќаа емисари, кои формираа комитски гнезда, промовираа војводи и надвојводи на континентот на Абориџините и кенгурите.
Партиски битанги, нашите ги претвораа во некакви антички фаланги. Подалеку валканите прсти од нашите, кои бегајќи од криминалци и функционери со ментални маани, избегаа на тие далечни меридијани, понесувајќи со себе печал и тешки душевни рани. Тие сонуваат за Македонија каква што вие не сте во состојба и да ја замислите.
Извор: Фејсбук