Протестите кои вечерва се случуваа во Скопје, за ВМРО ДПМНЕ се дел, од како што пишуваат“ она што го најави криминалецот Заев во режираното интервју на Телма,а дивите орди на СДСМ и на Сорос почнаа вечерва да го реализираат по улиците на Скопје“. Во соопштението до јавноста на партијата на власт, се вели дека Заев и СДСМ ќе одговараат за анархијата во која се обиделе да ја втурнат Македонија.
„Без грам совест и грижа за иднината на земјата, злосторникот Зоран Заев јасно кажа дека во Македонија се поставени сериозни темели за украинско сценарио. Истото сценарио кое во меѓусебната комуникација го најавуваа Верушевски и другите креатори.
Исход на сценариото во Украина, досега се десетици илјади мртви и поделена држава. Поделба на Македонија, која што вчера ја побараа партнерите на Зоран Заев од Беса.
Дивите орди инструирани од Заев и Сорос вечерва палеа и кршеа низ Скопје. Хулиганите предводени и поттикнати од СДСМ ја напаѓаа полицијата и каменуваа се што им се најде на патот. Идеите на налудничавиот Зоран Заев резултираа со повредени новинари и десетици искршени прозорци“, се вели во дел од соопштението на ВМРО ДПМНЕ.