Published: Wednesday, May 4, 2016 13:22
На големата граѓанска „Шарена револуција“ од денеска се приклучуваат и земјоделците, кои за 13 и за 19 часот најавија блокади на патиштата во Крива Паланка и во Облешево.
– Во нашата здруженост и барања земјоделците гледаат можност за Македонија во која институциите ќе работат и за нивните интереси и за нивната потреба за социјална правда. Во „борбата“ тие ќе постават блокади на патиштата и за денес најавуваат блокади во Крива Паланка во 13 и во Облешево во 19 часот. Нема правда, нема мир! Македонија е на нозе – велат од граѓанските организации.
Инаку за денеска протести се најавени во Скопје, Штип, Велес, Тетово, Битола, Струмица и Гевгелија.
Граѓаните обединети под движењето #Протестирам бараат повлекување на одлуката за аболиција и оставка на претседателот Ѓорѓе Иванов, формирање на специјално одделение на Кривичниот суд за предметите на Специјалното јавно обвинителство, како и повлекување на одлуката за одржување на парламентарни избори на 5 јуни. Дел од барањата се и вклучување на граѓанското општество во решавање на кризата и формирање на преодна влада.