Медиумите во Северна Кореја Ким Јонг -Ун го нарекуваат „најголемиот командант на светот“, но дали знаевте дека страсно ја сака НБА лигата и диско музиката?
За кошарката можеби веќе знаете, бидејќи само пред неколку недели тој се сретна со поранешната НБА ѕвезда, Денис Родман, сепак, во новонастанатата криза меѓу двете Кореи и САД која се заканува да се претвори во сериозен вооружен конфликт, тешко може да се сфати дека сегашниот претседател е всушност голем обожавател на западната култура.
Пред да ја преземе функцијата од неговиот татко Ким Ил Јонг, синот Јонг-Ун ретко се појавувал во јавноста и малку се знаело за него и неговите навики.
Еве некои интересни факти што го пробија севернокорејскиот пропаганден ѕид.
Тој е роден на истиот датум како Елвис Присли …. можеби.
Се претпоставува дека Ким Јонг Ун има помеѓу 29 и 30 години, но готвач кој работел за неговото семејство до 2001 година тврди дека тој е роден на 8 јануари 1983, истиот ден како „кралот на рокенролот“ Елвис Присли.
Ким Јонг Ун има своја „прва дама“
Откако се појавија заедно на отворањето на еден забавен парк, минатиот јуни, медиумите во Северна Кореја соопштија дека Ким Јонг и неговата придружничка Ри Сол Џу дека се венчале, но никој не е сигурен каде и кога и дали тие имаат деца. За неговата сопруга велат дека пејачката и “навивачка”.
Се школувал на Запад
Според сознанијата на „Вашингтон пост“, Ким посетувал државно училиште во Швајцарија од 1998 до 2000 година, како син на дипломат, криејќи се под името Пак Ун. „Никогаш не ги видов неговите родители“, изјавил директорот на училиштето. Другите професори го опишале како “социјален, добро прилагоден, вреден и амбициозен“. По швајцарската школа, тој учел во военото училиште во Пјонгјанг, кое го носи името на неговиот дедо.
Сака да игра кошарка
Навистина страсно ја сака кошарката и неговиот идол е Мајкл Џордан. Го опишуваат како „одличен и експлозивен плејмејкер кој мрази да губи“.
Сака познати марки и брендирани предмети
Пријателите од детството се сеќаваат дека имал скапа колекција „Nike“ патики, а на една фотографија може да се види дека на неговата работна маса стои „Apple“ компјутер. Се зборува дека неговата сопруга најмногу го сака брендот „Диор“.
Носи “забранета фризура”
Во Северна Кореја има закон според кој е дозволено да се носат само 28 видови фризури, но фризурата на Ким со бричени страни на главата, очигледно не е меѓу дозволените.
Сака да танцува и да пее
Неговите соученици, изјавиле на еден англискиот весник дека неговата омилена песна е „Brother Louie“ од германската група „ Modern Talking“, а Денис Родман јавно соопшти дека Ким сака диско музика.
Тој е „тешка категорија”
Еден корејски агенција во 2004 година објави дека по смртта на неговата мајка, тој почнал неумерено да јаде и да пие, така што во еден момент имал над 100 килограми. Тој страда од дебелина, висок крвен притисок и дијабетис во земјата во која постојано недостига храна.
Тој е ист дедо, кого го обожува
Ким толку наликува на неговиот дедо Ким Ил Сунг, што јавноста, едно време се сомневаше дека бил на пластични операции, за да личи повеќе на неговиот дедо – основач на нацијата. Ким е едноставно фасциниран од дедо му, кој меѓу луѓето беше поомилен од неговиот починат татко, кого го наследи.