Според американските медиуми, вселенската агенција НАСА планира да “привлече” мал астероид и да го „паркира“ во близина на месечината за да го истражуваат астронаутите, потврди сенаторот Бил Нелсон.
НАСА тоа ќе го стори така што во 2019 година роботски летала ќе го донесат поблиску до Месечината малиот астероид (околу 500 тони, 7,6 метри во дијаметар), а потоа четворица астронаути со леталата Орион, во 2021 година ќе отидат во вселената и детално ќе го истражуваат астероидот. Со овој план за привлекување поблиску до Земјата, ќе се овозможи четири години порано да се оствари мисијата на слетување на астероидот.
Сенаторот Нелсон објави дека претседателот Обама ќе инвестира 100 милиони долари за да се помогне на мисијата на избирање на вистинскиот астероид.
„Тоа е навистина паметна концепт. Побарајте идеален кандидат меѓу астероидите, па со помош на роботи, одите да го донесете поблиску“, изјавил Нелсон
Ова ќе биде прв пат во историјата, човекот да управува со толку големо вселенско тело, објаснува Роберт Браун од Институтот за технологија во Џорџија.
Астероиди со оптимална големина има неколку стотици и наоѓањето на вистинскиот нема да биде лесно. Тоа е како „ставање предмет во една кеса со панделка на врвот”, објаснува Доналд Јеменс, менаџер на програмата на НАСА за следење на простор објекти кои поминуваат во близина на Земјата.
Сенаторот Нелсон изјавил дека оваа мисија треба да помогне во пронаоѓањето начин да им се промени насоката на движење и локацијата во универзумот и на поголеми астероиди, ако тие претставуваат закана за Земјата. А тоа ќе биде вистинска обука за астронаутите да одат на Марс во 2030. година.