По вчерашниот протест на Шарената револуција, кој беше во знакот на Денот на Власите, со реакција се огласи Партијата на Власите во Македонија. Од таму ја осудуваат изјавата на еден од говорниците Власи, кој рече „Не за криминалот, не за аболицијата“, бидејќи не ја прикажувала реалната сосотојба на Влашкиот народ во Македонија, се вели во писмената реакција потпишана од претседателот на партијата Миле Костов.
„Влашката заедница како и секоја година така и оваа година Националниот ден на Власите 23 мај под покровителство на Владата на Република Македонија го прослави достоинствено денот со свечена академија во х.Александар Палас на која присуствуваа амбасадори,претставници од сите институции и претставници од Владата на Република Македонија. Во таа насока уште еднаш потенцираме за несоодветната изјава на горенаведениот господин кој е некомпетентен да говори во името на Власите, за криминалот, корупцијата и за груги девијации во Р.Македонија. Партија на Власите од Македонија делува во насока на профункционирање на правото и правната држава и имплементирање на законите во практиката.“, пишува во писмената реакција од Партијата на Власите во Македонија.
Инаку, Партијата на Власите е дел од широката коалиција за Подобра Македонија на чело со ВМРО ДПМНЕ.