“Железниот Мајк“, Мајк Тајсон е еден од плеадата спортисти кои оддадоа признание за големината на човекот чија смрт утрово предизвика тага во светот. Мохамед Али почина на возраст од 74 години во Аризона.
God came for his champion. So long great one. @MuhammadAli #TheGreatest #RIP pic.twitter.com/jhXyqOuabi
— Mike Tyson (@MikeTyson) June 4, 2016
„Господ дојде по својот шампион. Збогум голем човеку“.
Непоразениот боксер во WBO категоријата, Флојд Мејведер, кој има изјавено дека бил подобар и од Најдобриот (Мохамед Али), вели, тој оставил пример за помладите генерации.
„Тажен сум што слушнав дека сме изгубиле таков голем човек. Беше навистина најдобар во рингот, но уште повеќе надвор од него беше амнасадор на животот и мирот. Остави неверојатен пример за генерациите кои ќе следат. Моето срце и мисли се со неговото семејство. Ова е навистина тажен ден“, се огласи Мејведер.
Од една спортска легенда кон друга:

Професионалниот борец и актер, Џон Сена исто така се приклучи на признанијата, зборувајќи за придонесот на Али.
“The Greatest” made such an impact on the entire world #RIPMuhammadAli pic.twitter.com/LECBjQgfJA
— John Cena (@JohnCena) June 4, 2016
„Најголемиот имаше неизмерно влијание врз целиот свет“.
НБА кошаркарот пак, еден од помладите потенцијални ѕвезди во лигата, Мајкл Картер-Вилијамс, вели Али бил неговата инспирација.
RIP to my favorite athlete of all time 😢 pic.twitter.com/Oinpk1ImgZ
— Michael Carter-Willi (@MCW1) June 4, 2016
„Почивај во мир, мој најомилен спортист на сите времиња“.
Мохамед Али засекогаш ќе остане во сеќавањата под епитетот кој сам си го даде „Најголемиот“. Тој е автор на неколку книги инспирирани од неговите борби, а меѓу нив „Најголемиот: Мојата приказа“, и „Душата на пеперутката“.
Некаде помеѓу 60’ и 70’ своето име Касиус Клеј го менува во Мохамед Али, прифаќајки го Исламот за своја верска определба. „Касиус Клеј“ е моето ропско име, ќе изјави тогаш Али.




