Колоната демонстранти на денешниот протест на Шарената Револуција успеа да го пробие силното полициско обезбедување во близина на Соборниот храм. Улицата која води кон Владата беше блокирана со хермелини и водени топови, со вооружени специјалци кои на демонстрантите од Шарената револуција не им дозволуваа пристап кон Илинденска. Центарот на Скопје вечерва беше сардисан од специјалци. Ситуацијата иако беше тензична протестот помиан без инциденти.
Шарената револуција на денешните масовни протести објави ултиматум до власта, со рок до 18.јуни како излез од политичката криза. Имено протестите продолжуваат во друга форма на изразување револт, откако речиси два месеци секојдневно се протестираше низ улиците на Скопје но и други градови ширум Македонија.
Првото барање е Уставниот суд да се произнесе за уставноста на Специјалното јавно обвинителство, бидејќи истото е под ризик да се прогласи за неуставно, така што Уставниот суд би ја загарантирал неговата работа. Воедно, второто барање кое Шарената револуција го произнесе е запирање на прогонот врз демонстрантит и да се ослободат сите приведени.
Воедно, како што порачаа од говорницва пред Собранието, тие побараа повлекување на сите кривични пријави од МВР за учество во протестите.
„Нашите соборци седат во притвор повеќе од еден месец. Оваа хајка мора да престане“, порачаа говорниците.
Третото барање е оставка од Владата на ДУИ и ВМРО ДПМНЕ и формирање на преодна влада, како и формирање на специјално одделение во Кривичниот суд за случаите под јурисдикција на СЈО.
Демонстрантите во своите барања потенцираат и дека задолжително е присуство на граѓаните при решавањето на кризата во преговори кои велат, мора да се одвиваат на територија на Македонија.
За крај, тие порачаа дека неопходна е оставка од претседателот Иванов.
Повеќе за денешниот протест тука.