Министрите за надворешни работи на шесте земји основачи на Европската унија денес се состануваат во Берлин за да разговараат за последиците на Брегзитот.
Оваа историска одлука на Британците предизвикуваат лутина во европските редови каде владее вистинска политичка мобилизација за намалување на негативните последици на претсојната транзиција.
Првиот човек на Европската комисија (ЕК) Жан-Клод Јункер, познат како човек без влакна на јазикот, изјави вчера на германската телевизија АРД, дека разводот помеѓу ЕУ и Велика Британија нема да биде спогодбен развод.
“Ова не е спогодбен развод. Треба да се каже исто така дека ова и не беше некоја голема љубов”, рече тој.
Јункер: “Ова не е спогодбен развод. Треба да се каже исто така дека ова и не беше некоја голема љубов”.
И побара од Лондон веднаш да го поднесе своето барање за напуштање на ЕУ:
“Не разбирам зошто британската влада има потреба да чека до октомври за да реши дали го праќа барањето за развод во Брисел. Би сакал тоа барање да го видам веднаш”.
На денешната министерска средба во Берлин шесте основачи на ЕУ, Париз и Берлин на своите партнери ќе им презентираат “конкренти солуции” за да ја направат ЕУ “што поефикасна”, изјави францускиот министер Жан-Марк Ејро.
Ангела Меркел ги покани во понеделник францускиот претседател Франсоа Оланд и италијанскиот премиер Матео Ренци.
Според Јункер, по Брегзит, “Германија ќе продолжи да ја игра централната улога, можеби дури уште поважна во рамките на ЕУ”, рече Јункер за германскиот дневник Билд.
Претседателот на Европскиот парламент Мартин Шулц вчера изјави дека одлуката на Дејвид Камерон да ја напушти премиерската функција во октомври е «скандалозна». «Тој сите нас не држи како заложници», луто изјави Шулц.
Шулц: Одлуката на Дејвид Камерон да ја напушти премиерската функција во октомври е “скандалозна”. “Тој сите нас не држи како заложници”.
Останатите 27 членки на ЕУ со нетрпение ја очекуваат идната недела кога треба, на самит во Брисел, да се сретнат со Камерон. Но, лидерите на 27 членки ќе одржат состанок без Камерон за да ги договорат пораките на разочарување кои потоа ќе му ги пренесат.