По вчерашното свечено отворање на деветтото издание на Танц фест со претставата „Надеж. Вечер со Бетовен“ на Државната опера и балет од Анталија, Турција, а во режија и кореографија на Рисима Рисимкин, вечерва во Младинскиот културен центар, познатата њујоршката танцова трупа „Батери“, ќе изведе две кореографии:
Во Младинскиот културен центар трупата ќе го претстави проектот „Денс ту конект“, наградувана едукативна иницијатива која вклучува млади луѓе во креативниот процес на современиот танц, од првичната идеја до кревањето на завесата.
А во 20 часот ќе ја изведе претставата „Аутобиографика“, која вклучува пет парчиња од нејзините најнови продукции. Станува збор за дела на втората генерација кореографи, кои за своите храбри и иновативни креации имаат добиено признание од страна на „Њујорк тајмс“ и меѓународната критика.
Инаку, вчера на свеченото отоврање пред преполна сала на МОБ, на специјалниот гостин на фестивалот Владимир Викторович Васиљев, водечки танчар во Бољшој театарот, му беше доделена наградата за врвни достигнувања во областа на танцот „Менада“, за која едногласно одлучи Советот на фестивалот.
Публиката воодушевено ја поздрави новата кореографија на Рисимкин, која оваа претстава ја постави во Анталија, Турција
– Кореографијата специјално ја прилагодив на овој ансамбал, вели Рисимкин.