Спорни се 18 илјади гласачи кои ги нема во ниту една база на податоци, освен во базата на МВР и за нив нема никакви податоци од последните шест години, а 21 илјада имаат несповпаѓање во адресните податоци, соопшти денеска на брифингот со новинарите претседателот на ДИК Александар Чичаковски.
Сега со новата веб апликацијата која е достапна на интернет страница на ДИК, граѓаните ќе може да видат дали и зошто се на списокот со спорни записи.
Од ДИК информираат дека ги добиле фотографиите од МВР од личните карти и пасошите на гласачите и тие ќе бидат вметнати во списокот.
До сега своето гласачко право го потврдиле 1560 граѓани чии записи не се совпаѓаат во Избирачкиот список.
Граѓаните можат да се пријават до ДИК до 19 ти август за да го регулираат своето избирачко право, по што до крајот на месецот Комисијата да излезе со детален извештај. По ова политичките партии ќе направат проценка дали има услови за предвремени парламентарни избори на 11 декември.