Поради тешка болест на поранешниот премиер Иво Санадер денеска уште еднаш е одложено повтореното судење за случајот Фими медиа, во кој Санадер и неговата бивша партија ХДЗ се обвинети за извлекување на над 70 милиони куни од државните институции.
Адвокатите на Санадер му соопштија на судот дека тој следниот месец ќе оди на операција поради тешка болест. Во моментот тој одел на испитување и не бил способен да доаѓа на судењето и затоа одбраната бара да се одложи на неодредено време.
Повтореното судење во најголемата корупциска афера во хрватската политика прв пат беше прекинато во јули, а денеска беше одлучено дека идното рочиште ќе се одржи на 18 октомври на кое адвокатите треба да ја достават медицинската документација на Санадер.
Покрај Санадер и ХДЗ на обвинителната клупа се и поранешниот партиски функционер Младен Баришиќ, благајниќката Бранка Павошевиќ, сопственичката ма маркетинг агенцијата Фими медиа Невенка Јурак, како и поранешниот владин портпарол Ратко Мачек.
Сите тие на почетокот на обновеното судење ги отфрлија обвинувањата за извлекување на државни пари и полнење на црниот париски фонд преку маркетинг агенцијата Фими медиа.