За мерење на земјотресите, сеизмолозите во светот користат сеизмографи и сеизмоскопи. Додека сеизмоскопите ги мерат брановите на земјотресот, сеизмографот препознава три мерни единици: Рихтеровата, Меркалиевата (Меркалиева-Канкани-Сиберг) и помалку познатата Моментална-магнитуда.
Рихтеровата и Меркалиевата скала различно ги мерат земјотресите. Рихтеровата мери магнитуда (големина) додека Меркалиевата – интензитет.
Магнитудата се одредува според развиената енергија за време на потресот, додека интензитетот го мери ефектот на земјотресот врз луѓето и зградите во специфично место.
Рихтеровата скала, воведена од Чарлс Рихтер во 1935 година, во практика има ограничена вредност и нема потрес кој е поголем од неа. На оваа скала земјотресот се мери од 0 до 9.
Кога магнитудата е од 1 до 2 степени, земјотресот може да се забележи само со сеизмограф или друг уред. Вакви земјотреси се случуваат илјадници во една година. Кога магнитудата е од 3 до 4 степени, земјотресот е благ но може да се случат помали штети. Доколку магнитудата според Рихтеровата скала е од 5 до 6 степени земјотресот се чувствува многу и тогаш може да паѓаат полици или да се јават пукнотини на ѕидовите. Вакви земјотреси годишно се случуваат до 200.
Од 7 степени натаму земјотресите се многу пострашни. Земјотрес со јачина од 7 до 8 предизвикува голема штета. Зависно од времетраењето може да паднат згради и мостови. Годишно се случуваат десетина вакви земјотреси.
Деветиот степен веќе значи промена на природната слика.
Меркалиевата од друга страна брои до 12 степени. Според оваа мерна скала, од 1 до 4 земјотресите се прилично слаби. Земјотресите до 3 степени речиси и да не се чувствуваат, а четвртиот степен се слични на 5/6 степени од Рихтер.
Петтиот степен според Меркалиевата значи прилично силен земјотрес кој најверојатно ќе го почувстуваат сите. Доколку земјотресот е интензитет од 5 степени се придвижуваат предмети во домовитe.
Меркалиевиот степен 6 го опишува земјотресот како силен, почувствуван од речиси сите и кога може да се оштетат повеќе делови од објекти.
Интензитетот со јачина од 7 Меркалиеви степени прави штета на зградите, и на куќи, а се чувствува и доколку се возите во кола.
Осмиот и деветиот степен се прилично разорни кога се јавуваат и пукнатини на патот.
Земјотрес со јачина од 10 степени според Меркалиевото мерење значи дека истиот бил многу разорен, дека можат да се оштетат поголем дел од зградите се појавуваат свлечишта и огромни пукнатини.
Земјотресот од 11 степени значи дека е катастрофален кога паѓаат куќи, мостовите, се рушат патишта и други големи објекти.
Земјотресот е тотално катастрофален кога неговата јачина е 12 степени спред Меркалиевата скала, што во превод значи – настанува катаклизма.
Земјотресите настануваат кога два дела од површината на Земјата се движат еден кон друг и поради тектонските сили се случува земјотрес. Тогаш се ослободува огромна количина на енергија во форма на потреси и вибрации.