По реконструкцијата на музејот на Ван Гог во Амстердам, тој е повторно отворен за публиката. Обновата траеше седум месеци. Со оглед на тоа што неодамна беа отворени реконструираните „Стеделик“ и „Рикс“, сега трите најголеми холандски и музеи работат истовремено за прв пат по многу години.
Музејот беше отворен вчера, со изложба која го прикажува начинот на работа на славниот уметник.
На изложбата е прикажана и палетата за бои што ја користел Винсент ван Гог и е позајмена од парискиот музејот „Орсеј“. Палетата ја сочувал лекарот кој се грижел за Ван Гог, последните месеци пред неговото самоубиство 1890. година.
Тој одлучил да го задржи приборот за работа на својот пациент, иако Ван Гог за време на својот живот не бил многу признаен, а успеал да продаде само неколку слики.
На изложбата се прикажани 145 слики и цртежи, меѓу најголемите атракции се двете верзии на познатите „Сончогледи“, кои се поставени од левата и десната страна на портрет познат како “Ла Berceuse”. Самиот Ван Гог оставил аманет сликите да бидат поставени токму на овој начин, иако обично се наоѓаат во три различни музеи.
Изложбата покажува дека Ван Гог, наместо самоук гениј – како што често се мисли, всушност бил исклучително вреден уметник кој напорно работел за да се усоврши, особено последните десет години пред смртта на 37 годишна возраст.
На изложбата е прикажан и процесто на работа Ван Гог, од скица на идеја до конечната слика.
Меѓу експонатите на изложбата има копии на дела од други уметници кои ги правел Ван Гог за да практикува на различни стилови и техники.
Отворањето на обновениот музеј на Ван Гог, според медиумите претставува точка на пресвртница во културната сцена на Амстердам, бидејќи неодамна беа повторно отворени и Музејот на модерната уметност „Stedelijk“ и националниот „Rijksmuseum“.
Додека „Rijksmuseum“ помина низ целосна реконструкција, која траеше десет години и со многу пробивања на планираниот буџет, музејот на Ван Гог помина поскромно- подобрени се системите за противпожарна заштита и за безбедност, а реставрирани се и некои делови од ентериерот.
Музејот на Ван Гог, годишно привлекува околу еден милион посетители и е познат по долгите редици. Тој е сега воспостави и нов систем на резервација преку интернет, која треба да придонесе за решавање на проблемот на бескрајното чекање во редица.