По само десет минути од доаѓањето на Катица Јанева и нејзиниот тим во полициската станица Беко, беше пуштен истражителот кој попладнево таму беше приведен од полицијата.
Јанева по излегувањето од станицата даде куса изјава:
„Си го земавме истражителот и тој доаѓа со нас. Сега одиме во УБК, каде што на дежурство се наоѓа уште еден наш истражител и продолжуваме со работа“, изјави Јанева.
На прашањето на новинарката на НОВАТВ зошто истражителот бил приведен и дали е вистина шпекулацијата која се прошири дека тој бил ангажиран за да го следи поранешниот шеф на УБК Сашо Мијалков, Јанева одговори:
„Истражителот по наша наредба беше на задача на едно место, за да лоцира едно лице каде точно живее. А, зошто е приведен, прашајте го командирот кој наскоро ќе пристигне во полициската станица“, рече Јанева и замина со своите колеги кон УБК.