Музејот на раскинати врски во Загреб, Хрватска е една невобиачена постановка на предмети, односно спомени и подароци кои биваат ничии после распадот на една љубовна врска.
Основачите на музејот, Олинка Виштица и Дражен Грубишиќ, кои самите поминале низ периодот на распаѓање на нивната врска, кога и се родила идејата за основање на овој музеј, сметаат дека со чинот на донирање на поедини премети формално се означува крајот на врската.
The Museum of Broken Relationships годинава порталот http://www.travelnerd.com го вброи меѓу 10-те светски најчудни музеи, а точно пред две години ја доби и наградата Kenneth Hudson за најиновативен музеј во Европа.
Во музејската постановка има донирани предмети од целиот свет: како кошулата која таа ја носела на венчавката; чевлите кои таа му ги поклонила за Божиќ и покрај верувањето дека тој што ќе ги добие ќе те напушти, што подоцна и се случило но, тоа за неа е сепак празноверие; неговиот омилен број на стрипот „Загор“, кој неа секогаш ја тера на плачење; неговиот Интимо шампон, со кој нејзината мајка, по неговото заминување ги мие прозорите и тврди дека е одличен; романот „Нека застане часовникот“ никогаш немало да биде напишан ако провалниците таа ноќ не го избодиле со нож љубениот кој подоцна починал на нејзините раце; па се до лажните женски гради.
Во галеријата и видеото погледнете дел од изложените предмети како и иновативните оригинални сувенири изработени од уметници.
НОВА во Музејот на раскинати врски разговараше со проект-менаџерот Николина Вулиќ.