Дополнителниот заменик министер за земјоделство, шумарство и водостопанство, Љупчо Николовски, ги извртува фактите од ревизорскиот извештај, се вели во реакцијата на Министерството за земјоделство, шумарство и водостопанство на соопштението на Николов.
„Во недостиг на идеи, Николовски, со денешното соопштение ги извртува наводите од ревизорскиот извештај со цел да добие политички поени или да ја прикрие нетранспарентната распределба на земјоделското земјиште од страна на Владата на СДСМ. Се што е работено во министерството е сработено, е сработено согласно закон“, пишува во соопштението на МЗШВ.
Од министерството го прашуваат Николовски кој ќе одговара за распределените 100.000 хектари земјоделско земјиште на 411 земјоделски стопанства во периодот до 2006 година кога министерството за земјоделство го воделе кадри на СДСМ.