Ирачките безбедносни сили го зазедоа последното големо населено место кое се наоѓа пред вториот по големина град во Ирак, приближувајќи се по течението на реката Тигар кон Мосул, изјави полицискиот генерал Тамер ал Хусеини.
Силите на федералната полиција влегле во кварт во Хамам ал Алил во близина на Мосул, кој е упориште на групата Исламска држава и се мета на напади од ирачката војска.
„Нашите единици влегоа во квартот Салахија на Хамам ал Алил. Гратчето е ослободено од повеќе страни и во следните часови ќе можеме да му соопштиме на ирачкиот народ дека е целосно исчистен Хамам ал Алил и околината„ соопшти генералот Тамер ал Хусеини.
Борците на ИД, кои се повлекуваат на север од Мосул ги користат како жив штит жителите на околните села, принудувајќи ги да патуваат со нив.