Published: Sunday, November 6, 2016 09:22
Социјалдемократскиот сојуз на Македонија денес ќе го одржи 21. Конгрес во хотелот Александар Палас во Скопје, со почеток во 14 часот.
На овој конгрес СДСМ треба да ги утврди имињата на 120 кандидати за пратеници за шестте изборни единици.
Денес ќе бидат објавени имињата на носителите на изборните листи. Сигурно е дека тоа ќе биде претседателот на партијата Зоран Заев. Но за останатите имиња се уште се шпекулира и колебањата на Заев помеѓу Радмила Шекеринска и Стево Пендаровски за листата број 1.
Носител на листа ќе биде без сомение Оливер Спасовски. Но, за другите се споменуваат имињата Љупчо Николовски, Дамјан Манчевски, Петре Шилегов или Горан Сугаревски.
Од коалициските партнери, неофицијално, ЛДП и НСДП ќе добијат по две сигурни позиции, ДОМ на Лилјана Поповска едно место на листата ба пратеници исто како и партиите на Ердоган Сарач и Фиат Цаноски.
И Шарената револуција нема да биде заборавена па некои од нејзините најистакнати активисти најверојатно ќе влезат во политички води. Се споменува како сигурно името на Павле Богоевски но најверојатно уште двајца ќе му се придружат на Павле.
Освен тоа на листите на СДСМ треба да се појават имиња на независни интелектуалци.
