За Малта, втората најмала земја членка на ЕУ со 450.000 жители, најголем приоритет е кризата на бегалците и нивниот прием. Земјата го презеде претседателството со ЕУ на 1 јануари и го објави својот план за наредните шест месеци.
Во последните шест месеци од 2016 година на чело на ЕУ беше Словачка која не сака да прими бегалци на својата територија. Оттука, во последните месеци бегалската криза беше турната во последните редови на приоритетите на претседавачот со ЕУ.
Малта, која се наоѓа на 300 км од Тунис и е во првите редови на бегласките патишта, има намера да ја смени оваа динамика. Освен тоа, Малта обезбедува одличен прием за бегалците кои пристигнуваат во Грција и Италија.
Но, темата може да предизвика тензии помеѓу земјите членки. Малта ќе бара солидарност помеѓу европските партнери и прием за бегалците како што тоа беше договорено во ЕУ пред година и половина. За возврат, Малта ветува дека ќе стави акцент врз надворешните граници на ЕУ што е желба на сите земји членки.
Накусо, ако ЕУ може да гарантира безбедност на границите ќе биде полесно да се натераат земји како Словачка или Унгарија да примат бегалци.
Брегзит
Освен тоа, Малта сака да го врати на вистинскиот колосек процесот со кој треба да им се помогне на земјите од Африка да ги спречат своите државјани да тргнат кон ЕУ преку инвестиции на терен.
Претседателството на Малта е најверојатно добро и за преговорите за брегзит кои започнуваат во март. Како поранешна британска колонија Малта не сака да игра главна улога во преговорите но вели дека ќе стори се договорот со Велика Британија да биде праведен. И тврди дека во ова досие ЕУ покажала едногласност која треба да продолжи кога Велика Британија ќе го напушти клубот.