Турските власти го упасија жив напаѓачот што го изврши масакрот на Нова година во ноќен клуб во Истанбул, кој ја признал вината, јавија турските медиуми.
Премиерот Бинали Јилдирим на прес конференцијата во Анкара рече дека 34- годишниот Абдулгадир Машарипов од Узбекистан бил испрашуван од полицијата и изрази надеж дека сослушувањето ќе открие кој стои зад нападот во клубот Реина, во кој загинаа 39 луѓе.
Тој не сакаше да открие други детали за апсењето или истрагата, велејќи дека властите со време ќе кажат сè.
Гувернерот на Истанбул, Васип Сахин претходно соопшти рече дека уапсениот осомничен за нападот во ноќниот клуб е узбекистански државјанин кој бил обучуван во Авганистан. Во Турција наводно влегол пред една година.
Сахин рече дека отпечатоците од неговите прсти одговараат на оние на напаѓачот.
Осомничениот, според него е добро образован терорист, кој зборува четири јазици и дека е оти го извршил нападот во името на ИСИС.
Градоначалникот говореше неколку часа откако полицијата започна со испрашува осомничениот, кој во турските медиуми беше идентификуван како Абдулгадир Машарипов, уапсен во луксузен станбен комплекс во населбата Есенјурт каде бил со неговиот 4 годишен син.
Според државната агенција Анадолу во станот имало и три жени – од Сомалија, Сенегал и Египет кои исто така биле уапсени. Анадолу соопшти дека полицијата извршила рации кај членови на осомничена узбекистанска ќелија на ИСИС во Истанбул во пет населби, и уапсила неколку луѓе.
Фотографијата од уапсениот прва ја објави приватната агенција Доган.
Телевизијата НТВ-телевизија објави дека напаѓачот се спротивставувал при апсењето.
Исламска држава ја презеде одговорноста за масакрот во ноќниот клуб на 1 јануари, како одмазда за турските воени операции во северниот дел на Сирија.