Kоле Ангеловски ја доби наградата „Голема лиска“ за најдобра режија на комедијата „Ах, љубов моја“ на фестивалот на комедијата „Мостарска лиска“, кој заврши синоќа во Мостар, пренесуваат босанските медиуми. Претставата на театарот „Kомедија“ доби и плакета „Ахмед Обрадовиќ“ за најдобра продукција, во конкуренција на 11 претстави од регионот.
Според реакциите на босанските медиуми, публиката била одушевена од настапот на 13-темина актери од нашиот театар, а Александар Микиќ доби и признание „Мала лиска“ за најдобар од колегите.
Уметничкиот директор на „Kомедија“, Андреј Цветановски, за босанското „Радио 88“ изјави:
– Ние сме млад театар и за нас особено е битно учеството на фестивалот, но и наградите, особено таа за најдобра продукција, а секако и наградата на доајенот на македонската комедија. Се надевам дека со Народниот театар од Мостар ќе покренеме неколку проекти зашто Македонците и Босанците имаат сличен менталитет – изјави Цветановски.
Хрватскиот театар „Егзит“ освои пет награди на фестивалот, за претставата „Утре (н)е нов ден“, на режисерот Ивица Бобан.