Евроамбасадорот Аиво Орав денеска во Штип изрази оптимизам за претстојниот состанокот на Советот на Европската унија, на кој ќе се разгледува дали на Македонија ќе и биде доделен датум за преговори.
На прашањето што ако Грција повторно ја блокира Македонија на самитот во јуни, Орав со одговор:
– Ние во Европската унија не зборуваме за блокади, ниту за вето, ние зборуваме за консензус. Постигнувањето на консензус е важно за секоја земја.
Ни преостанува уште еден месец пред состанокот на Советот на Европската унија и мислам дека се уште можеме да направиме многу.
Навистина се надевам дека ќе се постигне консензус на крајот на јуни, што ќе биде задоволителен и за вашата земја и за 27 земји членки на ЕУ, рече Орав.
Амбасадорот Орав напомена дека тој со неколкумина амбасадори (Франција, Холандија, Грција и други) денеска со европски автобус ги промовира вредностите на ЕУ.