Фудбалската репрезентација на Камерун е новиот африкански шампион. Камерунците, во финалето на континенталното натпреварување во Габон, го совладаа Египет со 2:1.
Петтата титула на завршните турнири ја обезбедија со пресврт во второто полуреме. Израмнувачкиот гол беше дело на Николас Нкулу во 60 минута, а победничкиот на Винсент Абубакар во 89 минута. Стрелец за „фараоните“, најтрофејни на Купот на африкански нации со седум трофеи, беше играчот во средниот ред на Арсенал, Елнени во 25 минута.
Бронзениот медал го освои селекцијата на Буркина Фасо по минималната победа над Гана со 1:0.