Карпош Соколи останува без победа и по седмиот натпревар во кошаркарската АБА лига. Унион Олимпија е псоледна во низата што го совлада дебитантот во регионалното натпреварување. Словенечкиот состав вечерва во ВИП арената„Борис Траковски“ славеше со 87:83 по продолженија. Мечот во регуларниот дел заврши 73:73 или по четвртини – 13:19, 17:19, 20:17, 23:18 (10:14).
Лабовиќ кај Карпош и Мулалиќ кај Олимпија беа најефикасни на средбата. Двајцата постигнаа по 18 поени, двоцифрени кај домашната екипа беа уште Пери со 15 и Вркиќ и Соколов кои уфрлија по 12 коша. Меѓу гостите од Љубљана се истакнаа и Џеферсон со 16 коша, Јанкович со 15 и Хроват со 12.
Карпош Соколи е на дното на табелата во АБА лигата, ништо подобра не е ниту екипата на Унион Олимпија за која ова беше прв триумф во сезоната. „Зелено-белите“ од Љубљана наредниот викенд повторно ќе бидат во Скопје во натпревар со МЗТ, а „соколите“ ќе гостуваат на теренот на ФМП.