Популарниот српски турбо фолк пејач Аца Лукас синоќа гостуваше во познат кавадаречки локал, а настапот кој на почеток минувал во одлична атмосфера, бил прекинат околу полноќ, како што раскажуваат дел од присутните за ВИКИМЕДИА, од страна на полициски службеници, објавија повбеќе веб портали.
Атмосферата беше супер, се додека Лукас не прекина среде песна. Не сфативме веднаш што се случува, потоа забележавме дека дојдоа полициски службеници, а тој нешто негодуваше, се расправаше и замина со нив.
Чекавме некое време да се врати, а по околу половина час некој на микрофон кажа дека Аца е однесен во полициската станица, раскажаа млади луѓе кои биле гости на настанот.
Во меѓувреме, на социјалните мрежи веќе се споделуваат и видео снимки, на кои се гледа пејачот како заминува од локалот во присуство на полиција, а додека оди со полицајците, се обидува нешто да им појасни.
Официјалните детали сењ дека околу 00:10 часот, полицијата од ОВР Кавадарци го приведе А.В. (57) од Србија, познат како Аца Лукас.
Контролата, спроведена заедно со Одделението за криминалистички работи при СВР Велес, инспектор за странци од РЦ за гранични работи Југ, Државниот пазарен инспекторат, Државниот инспекторат за труд и УЈП, покажа дека Лукас настапувал без работна дозвола и без дозвола за престој.
Инаку, веќе е најавен голем концерт на Лукас во Скопје, во Арена Јане Сандански на 20-ти декември.