Бранко Тричковски: Аца Лукас настапувал без дозвола, а во објектот кај што пеел имало околу 700 луѓе односно четири пати повеќе од капацитетот на објектот. Тоа е оценето како безбедносно ризична ситуација и затоа околу полноќ полицијата го прекинала настапот и Ацота го привела во полициска станица да го чека судијата за прекршоци за појадок и сослушување, цела ноќ.
Ова е образложението на градиначалникот Јанчев. Со додаток дека организаторот барал да постави дополнителна сцена, но бил одбиен и за тоа бил известен.
Писмено и усмено.
Во оваа образложение на кметот се е на место освен една важна работа.
Бидејки Јанчев и верувам сите во Кавадарци сакале да ги избегнат сите ризици да се повтори Кочани, тие располагале, како што се гледа од изјавата на Јанчев, со сите потребни информации да постапат според законот и да го спречат одржаувањето на концертот. Повторувам: Да го спречат! Но, не, тие пуштиле забавата да се одвива и пред самиот крај, значи, некаде околу полноќ, решиле да интервенираат.
Самата интервенција на полицијата не е спорна ако е се така како што вика Јанчев, но фактот дека властите дозволиле да се одвива еден концерт за кој знаеле дека е нелегален и дека таму можеби може да се случи Кочани 2, ги прават тие власти, вклучително и градоначалникот, одговорни за неспречување на настан кој самите го оценуваат како ризик за предизвикување на општа опасност. Тие ја спречиле опасноста откако еден или два часа дозолиле таа да виси над главите на 700 млади луѓе.
Зошто не го спречиле концертот?
Претпоставувам дека оцениле дека ризикот за кој зборуваат е мал во однос на пропагандните ефекти од спектакуларното прекинување на концертот.
На тој момент укажува и фактот дека е приведен само Аца, додека целиот амбиент за ново Кочани останал негибнат. Не е приведен, да речеме, сопственикот на објектот кој организирал нелегален концерт.
Практично сите, од Јанчев, до одговорните во полицијата, влегле во зоната, не на прекршочната одговорност, како Аца, туку на кривичната одговорност.
Јанчев би требало повнимателно да се чука во градите. Тоа што кавадаречката “шупа” не изгорела е една работа, а тоа кој дозволил да се развијат околности да може да изгори, ако се точни резоните на Јанчев (немаме причини да не му веруваме) е приоритетна и мора да се разјасни во локалната самоуправа, во полицијата и во обвинителството, пред да му се остави на судот.
Извор: Фејсбук