На протестот во организација на ГДОМ пред Кривичниот суд во Скопје за поддршка на битолскиот градоначалник Владимир Талески, во првите редови се скопските градоначалници Коце Трајановски, Петре Латиновски, Ивица Коневски, Сокол Митровски, а им се придружи и градоначалникот од општина Карпош Стевчо Јакимовски од ГРОМ.
На протестот има и граѓани од други градови кои организирано со автобуси се донесени за масовност на протестот. Според информациите на НОВА, вработените во повеќе министерства и институции во Скопје, денеска со СМС пораки биле известени дека имаат слободен ден од работа за да бидат пред Судот.
Протестот почна пред Кривичниот суд, кој во четвртокот на Талески му одреди 30 дневен куќен притвор како првоосомничен во случајот „Транспортер“. Најавите се дека демонстрантите ќе останат се до конечната одлука на Апелациониот суд, кој денеска треба да одлучува по жалбата на Талески кој бара да се брани од слобода.