Њујоршката адвокатска ѕвезда Бенџамин Брафман ќе го брани холивудскиот продуцент Харви Вајнштајн. Брафман е еден од најпознатите адвокати во САД и стана славен и во Европа по одбраната на Доминик Штраус-Кан, за кој успеа да добие напуштање на обвинението, или Мајкл Џексон во 2004 година, обвинет за сексуален напад врз малолетници.
Брафман е познат по тоа што успева да одбрани случаи во кои има многу сведоци на обвинението и што на прв поглед се неодбранливи.
Вајнштајн има и втор адвокат, познат исто така по одбраната на славни лица како Мел Гибсон, Бритни Спирс, Хали Бери или Линзи Лохан.
Американските медиуми денес пренесуваат дека обвинителот на Манхатан Сајрус Венс се подготвува на големата порота да и презентира елементи коишто против Венјштајн и по кои може да следи обвинение.
Се работи за обвиненије на актерката Паз де ла Хуера која тврди дека во 2010 година била силувана од Венјштајн а истраги се водат и во Лондон и Лос Анџелес.
Од почетокот на октомври стасуваат обвинувања дека Ванјштајн сексуално злоупотребувал или силувал повеќе над сто жени.
Според портпаролот на Ванјштајн, адвокатите имаат аргументи што ќе бидат презентирани во судот и коишто треба да докажат дека ниту едно од овие обвинувања не е точно.
Во американското судство големата порота се состанува кога досието е подготвено за да испита дали елементите што го содржи се доволни за обвинение и судски процес.