Четврти ден медиумите во Србија како главна тема ја објавуваат аферата за министерот за одбрана Александар Вулин кој купил стан од 205.000 евра, кои наводно ги добил од тетка од Канада, што ја актуелизира мрежата за истражување криминал и корупција КРИК.
Она што е спорно во случајот е како тие ги внел во Србија од странство, кога максимално дозволената сума која може месечно да се внесе во земјата е 10.000 евра.
Вулин за КРИК вели дека парите што наводно ги позајмил од тетка на неговата сопруга ги внесувал месечно “девет по девет илјади“.
Новинарите пресметале дека тоа значи оти Вулин бил во Канада 23 пати и назад, но и покрај тоа што од него побарале одговор, кога тоа се случувало, дали има печати во пасошот, тој не им одговорил.
-Ќе ви кажам една работа. Ваша работа е да ме валкате во кал, а моја е да не ви го дозволам тоа, изјавил срспкиот министр за одбрана Вулин за ТВ Н1.
Потеклото на 205.000 евра кои Вулин ги искористил за купување стан не успеала да го утврди ниту Агенцијата за борба против корупција која уште пред години за ова поднела извештај до Обвинителството.
Но, Обвинителството ја отфрли тужбата против министерот, а Агенцијата и натаму не го утврди потеклото на парите, од каде велат дека можат да постапат само во рамки на надлежноститре и дека на другите инстиуции е да преземат активности.
Од Движењето на социјалистите чиј лидер е Вулин на твдењата на КРИК одговараат со навреди за уредникот СВетлана Дојчиновиќ, нарекувајќи ја наркоманка, странски платеник, мазохист и други погрдни зборови. Премиерката Ана Брнабиќ на овие навреди вели дека таков речник не е нејзини стил, нод ека ја разбора реакцијата на партијата.
-Целосно лично ја разбирам емотивната реакција, затоа што и јас во истиот случај со истиот портал пред неколку месеци имав емотивна реакција и се трудев кога одев во јавност да бидам толерантна, изјави премиеркта Брнабиќ.
Според неа КРИК не е ниту полиција, ни обвинителство.
Во КРИК пак велат дека единствено што бараат да ги видат доказите што министерот Вулин ги понудил за потеклото на парите, за случајот да биде затворен.




