Ново убиство на Афроамериканец во САД. Жртва е 25-годишниот Џејланд Вокер кон кого полициски службеници испукале десетина куршуми додека се обидувал да побегне, изјави адвокатот на семејството на убиениот кој се повикува на полициската снимка која треба да биде објавена утре.

Официјални лица изјавија дека инцидентот настанал при обид на полицајците да го запрат Вокер поради сообраќаен прекршок. Вокер веднаш се дал во бегство, а полицајци од Акрон пријавиле дека од возилото на осомничениот бил испукан пиштол.

Во денешниот коментар објавен во „Акрон Беком Журнал“, адвокатот Боби Дисело го опишува видео материјалот како брутален и кажа дека роднините на Вокер се загрижени дека протестите закажани за утре би можеле да прераснат во насилни, пренесоа британските медиуми.

Ова е последното во серијата убиства на Афроамериканци од полицијата во САД, за кои критичарите велат дека се неоправдани, вклучувајќи го и убиството на Џорџ Флојд во 2020 година во Минеаполис, што предизвика глобални протести против полициската бруталност.

„Сите ние се подготвуваме за одговорот на заедницата и единствената порака што ја имаме е дека на семејството не му треба повеќе насилство“, рече Дисело.