Агенцијата за храна и ветеринарство започнува две кампањи за подигнување на јавната свест за значењето на означувањето на храната и за подобрување на пасивниот надзор над болеста беснило. Со овие две кампањи практично се одбележува и завршувањето на проектот „Подобрена имплементација на законодавството во делот на здравјето на животните, безбедноста на храната и фитосанитарната област и соодветните информациски системи”. Проектот вреден 1,6 милиони евра се реализираше изминатите две години во рамки на ИПА 2015, со финансиска поддршка од ЕУ.
-Промовираме две кампањи, едната за подигнување на јавната свест кај граѓаните за здрава храна, а другата за пасивен надзор над беснилото. Безбедноста на храната е еден од најважните фактори за зачувување на здравјето на луѓето и на домашните животни, а кампањата за пасивен надзор на беснило е продолжување на кампања која порано се спроведувала во нашата држава. Знаејќи дека беснилото претставува заразна болест, зооноза која се јавува и кај домашните животни и кај граѓаните од посебно значење за спречување на ширење на болеста е сето она што го прави ЕФСА на цел овој регион. Ние сме во една голема кампања во која заедно со сите земји од регионот продолжуваме да се грижиме и за здравјето на домашните животни и за здравјето на луѓето, изјави директорот на АХВ, Николче Бабовски.
Тој објасни дека при секоја појава на беснило со овој пасивен надзор ќе овозможиме веднаш да се направи пријава. Доколу месото е термички обработено не постои опасност за луѓето, но доколку дојде до каснување од диво животно или контакт со слуз тогаш постои опасност да се заразат и луѓето.
Според заменик-министерот за земјоделство, Трајан Димковски со проектот се постигнуваат одредени цели и тоа дизајниран и развиен оперативен фитосанитарен информациски систем, усвоен правилник со листи за штетни организми, растенијја, растителни производи и предмети со цел заштита на земјата од нови опасности од увоз во согласност со новата ЕУ регулатива.
Донесен е и Закон за фитофармација, подготвени се подзаконски акти, како и Национален акциски план за одржлива употреба на пестициди и Прирачник за сертификација на опрема за апликација на пестициди.
-Крајни бенефити се производните процеси насочени кон заштита на животната средина и потрошувачите кои користат побезбедна и здравствено исправна храна, подвлече заменик министерот.
Раководителот на секторот за операции при Делегација на ЕУ во Скопје, Штефен Худолин порача дека е клучно да се воспостават одржливи механизми за производство на храна.
-Алармот е веќе вклучен. Човештвото користи многу повеќе ресурси отколку што произведува. Мора да престанеме со фрлање, да ја зголемиме свеста кај луѓето, истакна Худолин.