Со операта „Аида“ од Џузепе Верди вечерва во Македонската опера и балет завршуваaт годинашните „Мајски оперски вечери“.
Во насловната улога на Аида ќе настапи сопранот Седа Ортач од Турција, како Радамес ќе го видиме гостинот од Белгија тенорот Микаел Сападачини, мецосопранот Даниела Дјакова од Бугарија во улога на Амнерис, како Рамфис ќе настапи Иван Томашев од Србија. Улогата на Фараон ќе ја толкува басот Владимир Саздовски, а Монасро ќе биде маратонот Марчело липи од Италија. Главна свештеничка сопранот Олгица Милевска и како гласник ќе го видиме тенорот Марјан Николовски.
Диригент на претставата е Оливер Балабурски, режијата е на Дејан Прошев, сценографијата на Зоран Костовски, костимографијата на Елена Дончева, кореографијата на Снежана Филиповска. Концерт мајстор на претставата е Климент Тодоровски.