Сите љубители на „инди“ филмовите и на актерот Гаел Гарсиа Бернал со нетрпение го очекуваат филмот насловен „Не“.
Куриозитет на овој филм, номиниран за Оскар во категоријата филмови од неанглиско говорно подрачје, а кој зборува за диктатурата во Чиле, е што всушност е комедија.
Дејството се случува 1988 година во Чиле, кога диктаторот Аугусто Пиноче, под меѓународен притисок, распишува референдум за продолжување на неговото владеење.
Опозициските лидери го ангажираат маркетинг експертот Рене Саведра (Гаел Гарсија Бернал) да ја промовира нивната кампања!
И тоа не е лесна задача, но е одлична основа за добра комедија!
Филмот веќе има добиено награди на филмските фестивали во Кан, Сао Паоло и други.
Во кината во Србија, оовој филм ќе се прикажува од 15 февруари, но нема најави од кино дистрибутерите за прикажување на овој филм во Македонија.