Published: Wednesday, December 28, 2016 20:28
Протест против загадениот воздух се одржа вечерва пред фонтаната во Градскиот парк. Граѓаните се организираа преку социјалните мрежи и дојдоа на велосипеди и со маски на лицето. Протестниот марш продолжи пред Владата од каде порачаа смртоносното загадување да и биде врвен приоритет. Граѓаните бараат итни, а не декларативни мерки.
„Не станува збор веќе за криза, за проблем, ова е сега елементарна непогода. Еквивалентно е на пожар, на поплава, исто како поплавите што ги имавме во Стајковци. Светска банка излезе со статистика дека 1 350 луѓе годишно умираат, значи четворица дневно гинат, а тоа се жртви на загадениот воздух“, порачаа активистите.
Организаторите на протестот порачаа дека после празниците повторно ќе излезат на протест, а преку петиција ќе поднесат колективна тужба за надлежните кои не превземаат мерки и покрај високото ниво на загадување.