Учениците од земјава добиле алармантни резултати во однос на нивното слабо знаење на тестирањето направено од најголемата меѓународна образовна анкета во светот, ПИСА, објави министерот за образование и наука, Јетон Шаќири на 14 седница одржана во Комисијата за образование, наука и спорт, пишува ТВ21.
Пратеникот на АА, Халил Снопче рече дека целиот проблем е настанат како последица на погрешното инвестирање заради политичките влијанија.
„Проблемот со квалитетот во образованието на сите нивоа не е толку поради недостиг на инвестирање на апсолутните суми, бидејќи знам дека министерството има проблеми, како и претходното. Имаме неколку обиди, но мислам дека се е последица на погрешните инвестирања поради политиките влијанија и се разбира дека тука треба да го истакнам можеби и терминот, корупција“, вели Снопче од АА.
ПИСА е најголемата меѓународна анкета за образование во светот која опфаќа ученици на 15 годишна возраст. Ова тестирање го мери аплицирањето научни познавања, познавања од математиката, читање и пишување а во 2022 за прв пат ќе се мери и креативното размислување на учениците.